蛇媽媽懷孕相片。

隔牆有耳版今日好熱鬧，因為真正係蛇鼠一窩。近日港府正為內地孕婦闖關產子而煩惱，港島南區最近發生咗單情節嚴重闖關產子事件，是否有人堵截不力，有關部門可能要了解吓。


雌性森蚺買一送 30

多條蛇仔出世後，等人餵飼。

事發地點為海洋公園，今年 5月 24日接收一條嚟自南美洲嘅雌性森蚺，幫佢做超聲波例行健康檢查時，赫然發現條蛇原來有「餡」！仲買一送 30！大蛇媽媽喺 7月 10日早上順產，一次過生咗 30條蛇仔。多條蛇仔一出世就背負重大任務，成為海洋公園動物保育大使，水族部助理館長楊月媚話，蛇仔長約 73至 90厘米，體重約 288至 336克，已經有幾條公開展覽，不過成日匿埋，唔易見到。今次係海洋公園同香港首次有森蚺誕生，部份蛇仔可留喺海洋公園，其他就要骨肉分離，[節錄...]

來源:蘋果日報網站